Angekommen!

Min erste Tag da in Powell isch ahstrengend gsi aber amazing! Ich bi am dunnstig abig uu spat acho nacheme laange und müehsame Flug mit 2 mal umstige, emene überfahrene Fuess und ei mal hettemer sogar fast de Flug verpasst aber I made it!

Mini Gastfamilie isch unglaublich lieb, vorallem min Gastvater woni bis jetzt am beste kenne isch u en lustige, macht immer witzli und git sich echt müeh dass es mir guet gaht. Ich han zwei hünd wo abartig süess sind! De Waldo und de Bryan. De Bryan isch en chline wilde verrückte und de Waldo wot nur kuschele und gstreichlet werde. Ich han au e Schildkrot! De Dave (min Gastvater) hets mir gester versuecht z sege und hets irgendwie 10 mal wiederhole müesse bis ich s endlich verstande han. Es isch ahstrengend ine zuezlose und au no was verstah will sie uuu schnell und vorallem au lislig redet. Uf em heiweg vom Flughafe ( oder was das au immer gsi isch) hemmer en Hirsch gseh!

Gester simmer zu minere High School gange zum mich ahmelde and stuff (wie sie da immer seged) und denn hemmer mir no es nois Handyabo. Mir hend in Chinatown gesse aber es isch nöd wüekli chinesisch gsi aber guet haha. Denn simmer hei und ich bin igschlafe will ich immerno so müed vo de Reis gsi bin und am abig simmer uf de Flughafe de Luciano (ustuschschüeler us Argentinie) go abhole. Am abig bin ich vom Gastbrüeder vom Luciano a sonen Ball iglade worde und sie sind mich denn go abhole cho und er het eus uf Powell bracht wo zmitzt im Dorf alli Jugendliche e grossi Party gmacht hend. Es het Boxe gha und alli sind am tanze gsi hauptsächlich Swing dance. Das isch so en komische Tanz wo Männer Fraue fröged obs mit ihne tanze wend und denn macht mer hunderti vo Pirouettene und die ganz guete werfet ihri Tanzpartnerin id Luft und fanget sie denn wieder. De Luciano und ich sind recht gschockt gsi!

Hüt simmer uu früeh ufgstande und als allererst zum sports physical gange zum au sicher z si dass ich gsund bin und sport mache chan. Denn simmer a sone crazy Flugshow und ich han min erste Corndog gha! Und zum zmittag simmer ines Mexicanischs Restaurant wo ich min erste Taco gha han. 

Über em Meer

Sicht vo mim Zimmer

Mini High School

Min erste Corndog